回鄉探親,親友介紹,即管又試下這家。到達酒店位置果然非常近新會仁壽路步行街,對面馬路就是。酒店在大街上一小角落,不太顯眼,從外觀看應該冇甚特別。一心想百零蚊一晚不要太有要求。誰不知登記好拿房後,住的是四樓房間,一到走廊和進房,絕對和剛才想法剛剛相反,百零蚊價錢,絕對對得起有餘有餘,我敢講百零蚊價錢一晚,好過喺深圳一晚三百幾嘅酒店。
房間設施乾淨企理,冇異味,床軟硬適中,特別贊吓佢哋個花灑冲涼,水力超夠,我去新會果幾日撞正寒潮,天寒地凍,喺酒店冲個熱水涼夠舒服,加上將空調轉做開暖氣,暖晒啦!
百零蚊價錢唔好要求提供又呢樣嗰樣喇,基本要有嘅都有,拖鞋都有供應不過我自己從來都唔會著酒店嘅拖鞋,話之你五星級,仲要起碼我自己喺國內租酒店最緊要嘅係.....有窗,好多國內酒店你俾上三百一晚都未必有窗,呢度就大大個窗俾你望到街外環境,後面有個好大嘅停車場,揸車朋友就啱晒。
行過對面馬路有間大超市,對面又係步行街,食嘢買嘢絕對唔使擔心,直到係新會市中心,下次再返鄉下,我都會繼續住呢度,真心的性價比高。👍👍👍
Translate